Hevseroka HDP’ê, di parastina xwe ya dozgeriyê de got, ‘’Ji ber ku Erdogan ku xwedî paşerojeke şîlo ya siyasî ye, ferman daye we ev şanoya darazê dest pê kiriye û ez nabim fîguranê vê şanoyê. Ti daxwaz û hêviya min ji we nîn e. Tenê gelê ku ez hilbijartime, ji ber sedemên siyasî dikare min bixe lêpirsînê.’’

Yuksekdag piştre parastina hevpar a partiyê da û got:

“Di reweşeke wiha de ku giramgiriya welatê me li ber piyan diçe, ez qebûl nakim ku bibim objeyek ji vê daraza siyasî. Li dijî şexsê we ti dudilî û bêhurmetiya min nîn e.  Ji ber ku Erdogan ku xwedî paşerojeke şîlo ya siyasî ye, ferman daye we ev şanoya darazê dest pê kiriye û ez nabim fîguranê vê şanoyê. Ti daxwaz û hêviya min ji we nîn e. Tenê gelê ku ez hilbijartime, ji ber sedemên siyasî dikare min bixe lêpirsînê. 

Ez ê bersivê nedim yek pirsa we, ti baweriya min pê nîn e ku darizandina hûn bikin li ser bingehê dadmendiyê be. Anîna min a vir jî li dijî hiqûqê ye. Muxatabên siyasetmedaran li qada siyasetê siyasetmedar in ne endamên darazê ne.’’

Bi berdewamî Yuksekdag got, ‘’Ti gumana me jê nîn e ku em ê ji pergala faşîst xilas bibin ku li ser navê seroktiyê li welêt û gel tê ferzkirin. Di şexsê Erdogan de rejîma genî wê biguhere.

Ti daxwaz û hêviya min ji we nîn e. Ji ber kar û barê min ê siyasî tenê gelê min ê ku ez hilbijartime dikare min bixe lêpirsînê. Têkildarî tawanbariyên li ser min, ez bersivê nadim yek pirsê. Di vê qonaxê de ez heqê xwe yê bêdengbûnê bi kar tînim.’’