Di daxuyaniyê de hat ragihandin, du mewzî hatine îmhakirin û derbên xurt li hedefê hatine xistin.

Koordînasyona Giştî ya YPS'ê da xuyakirin, ku yekîneyên wan ji cihekî nêz bi roket û çekên ferdî li girtîgeha li navçeya Dêrikê xistine, ku li vê derê 65 polîsên tîmên taybet hebûn.

Di daxuyaniyê de hat gotin, "Li vir 2 mewzî hatin rûxandin. Dema komek ji polîsên tîmên taybet li hewşê bi hev re bûn, yekîneyên me hem li van xistin, hem jî li mala li hewşa girtîgehê xistin." Koordînasyonê da zanîn, derbên xurt li hedefan hatine xistin, lê hejmara mirî û birîndarên polîsan nehatiye zelalkirin.

Koordînasyona Giştî ya YPS'ê destnîşan kir, ku ev çalakî li dijî tecrîda li ser Rêberê Gelê Kurd Abdullah Ocalan hatiye lidarxistin.