Navenda Çapemeniya YPG’ê, bi daxuyaniyeke nivîskî ragihand ku di 25’ê Hezîrana 2016’an de li herêma di navbera gundên Malha û Mekmen ên girêdayî Şedadê de, di navbera şervanên YPG’ê yên ku di nav QSD’ê de cih digirin û çeteyan de şer derket. Di şer de 2 hevrêyên wan jiyana xwe ji dest dabûn.

Di daxuyaniya Navenda YPG’ê de ev agahî hatin parvekirin:

“Di 25'ê Hezîrana 2016'an li herêma di navbera gundên Malha û Mekmen ên girêdayî Şedadê de, di encama şerê di navbera yekîneyên me ku di nava Hêzên Sûriya Demokratîk (QSD) de cih digirin ku parastina herêman dikin û çeteyên DAIŞ’ê de şer derketin. Li vir 2 hevrêyên me heta kêliyên dawiyê bi qehremanî li hember êrîşên çeteyan li ber xwe dan û gihiştin şehadetê.

Li ser navê Yekîneyên Parastina Gel (YPG), di serî de ji malbata her 2 pakrewanan, ji tevahî gelên Rojava re sersaxiyê dixwazin. Şehadeta hevrêyên me sedemek din e ku soza bihêzkirina doza azadîxwaziyê li Rojavayê Kurdistanê nû bikin û bi bilindkirina têkoşîna xwe hêvî û armancên şehîdan pêk bînin.”

Nasnamên şervanên YPG’ê yên ku jiyana xwe ji dest dane wiha ne:

Nasnav: Denîz Rojhilat

Nav û Paşnav: Nîhat Dilver

Navê Dayikê: Gulçîn

Navê Bav: Xelîl

Cihê Jidayikbûnê: Selmas

Cih û Dîroka Şehadetê: Şedad/ 25.06.2016

***

Nasnav: Merwan Reş

Nav û Paşnav: Merwan Selman

Navê Dayikê: Hena

Navê Bav: Hisên

Cihê Jidayikbûnê: Serêkaniyê

Cih û Dîroka Şehadetê: Şedad/25.06.2016