Ji 52 kesên ku di qetlîama Dîlokê de jiyana xwe ji dest dane 42 kes li goristan Yeşîlket bi merasîmekê hatin definkirin. Bi hezaran kes bi dirûşmên “Şehid namirin", "Katil Erdoğan" û "Bijî Serok Apo"qîr kirin.

Di merasîma cenazede hêrsa gel di asta herî jor de bû, di merasîmê de hevserokên HDP, DBP û KCD û Rêveberên KJA û Dayikên Aşiyê jî amade bûn.

Di qetlîamê  de berpirsyariya hikûmeta AKP’ê bal kişand. Serokê Şaredariya Mezin a Dîlokê û hinek wekîlên AKP’yî  bi dirûşmên ‘Kujer Erdogan’ ji merasîmê qewitandin.

Ji bo kesên ku jiyana xwe ji dest dane rêz hate girtin, piştî wecîbeyên olî, darbest bi kesk, sor û zer hatin pêçan û birin goristanê. Li vir cenaze bi dirûşman hatin veşartin.

Piştî merasîmê gel vegeriyan konê sersaxiyê yê ku ji bo kesên ku jiyana xwe ji dest dane li navenda navçeya Şahînbey a li Tesîsa Civakî ya Baybahçe yê hatî vedan kirin.

Wê di saet 17:30’an de Hevserokê HDP’ê Fîgen Yuksekdag, Hevseroka DBP’ê Sabahat Tûncel û Berdevkê KCD Ertogrûl Kurkçu û parlementerên HDP’ê biçin ziyareta konê sersaxiyê.