Li Tirbespiyê ji bo Rêberê Gelê Kurd Abdullah Ocelan bi sedan welatiyên Tirbespiyê daketin qadan û tecrîda girankirî ya li ser Ocelan şermezar kirin.

Meş ji aliyê Rêxistina TEV-DEM a Tirbespiyê ve hat organîzekirin û bi sedan welatiyên Tirbespiyê daxwaza azadiya Ocelan kirin. Li aliyê din di meşê de pîlanên qirêj yên li ser Şoreşa Rojava û civînên Astanyê jî hatin şermezar kirin.

Di xwepêşandanê de bi sedan welatiyên herêmê, Endamên Kongreya Star, Yekîtiya Ciwanên Rojava, saziyên civaka sivîl ên bajêr, herêma Aliya û Sinciq ên girêdayî Tirbespiyê başdar bûn.

Xwepêşandan ji pêşiya Akademiya Şehîd Yekta Herekol destpê kir û heta navenda bazarê ya bajêr meşiyan.

TECRÎD HATE ŞERMEZARKIRIN, BERXWEDAN HATE SILAVKIRIN.

Di mîtîngê de gelek axaftin hatin kirin. Li ser navê TEV-DEM`ê Fesîh Husên, Saziya Malbatên Şehîdan Mihemed Zekî Îbrahîm, Kongreya Star Amed Hacî û li ser navê pêkhateya Ereb Husên El-Saêd axivîn.

Di axaftinan de tecrîda li ser Rêberê Gelê Kurd Abdullah Ocalan hat şermezar kirin û her wiha civîna li Astana ku nûnerên komên çete beşdar dibîn jî hat şermezar kirin.

Di mitîngê de berxwedana gelê Rojava û Bakûrê Kurdistanê hat silavkirin.