Îro saetên sibehê, li 710’emîn Kolana Taxa Karşiyaka, zarokê 16 salî yê bi navê M.D. di encama gulebarana dijwar a leşkerên ku li ser lojmanên leşkerî yên li 172’emîn Fermandariya Tûgaya Zirxî  bi cih bûne bi giranî birîndar bibû, tedawiya M.D. li Nexweşxaneya Perwerde û Lêkolîn a Gazî Yaşargîl a Amedê didome. 

Li gor agahiyên Salîh D. ê bavê M.D. tehlûkeya kurê wî ya jiyanî didome. Bav Salîh D. got: “Kurê min di febrîqeyek pembo de dixebitî. Danê sibehê dema diçû kar, li kolanê birîndar kirin. Polîs ji ambûlansê re bûn asteng û nehiştin ambûlans werin cihê bûyerê. Bi saya welatiyên derdor, kurê min gihişt nexweşxaneyê.”