Şewata ji ber bomberdûmana balafirên şer ên Tirk ku 24’ê Hezîranê destpê kiribûn û topbarana ji Qereqola Mîllî ya Balverenê, bi hezaran donim erazî û pê re jî bax û baxçe bûn xwelî. Li Çiyayê Cûdiyê ku cih bi cih tê topbarandin, gundên Gilindor, Gundikê Remo, Cifanê û Akêt jî bi xeteriya şewatê re hevrû ne.

Dîsa bi sedan karkerên li madenan dixebitin ku li qûntarên Çiyayê Cûdiyê û bejahiya gundan e, bi xeteriyê re hevrû ne.

Welatiyên ku ji Şirnexê koçî gundên Gilindor, Gundikê Remo, Cifanê û Akêt kiribûn, hewl didin şewatê vemirînin, lê ev hewldan jî bi topbarana ji Fermandariya Qereqola Mîllî ya Balverenê tê astengkirin. Niha li bejahiya gundan gelek bax û baxçe bûne xwelî.

Agir her diçe berbelav dibe.