Li navçeya Mêrdîn Nisêbînê, berxwedana xwerêveberiyê ya li hemberî terora dewleta Tirk di roja 55. de ye. Li navçeya ku bomberdûmaneke giran lê tê kirin, şerê di navbera endamên YPS/YPS Jin û hêzên rejîmam Tirk de diqewime, dewam dike. Li taxên Abdulkadîrpaşa, Zeynelabîdîn, Kişla, Firat, Dîcle û Yenîşehîrê berxwedan her heye. Li navenda sûkê jî ku şer lê nîne, hêzên dewleta Tirk dest bi talanê kirin.

Hêzên dewleta Tirk deriyê hemû kargehên li Sûka Qaçaxçiyan teqandin û dest bi diziyê kirin. Li heman herêmê, hêzên dewleta Tirk deriyên apartmanan şikandin, ketin nava xaniyan û dest bi talan û diziyê kirin.

Êrîşên ku YPS/YPS Jin bersivê dide wan, dewam dikin. Li aliyê din sewqiyata leşkerî ya ber bi navçeyê heta danê sibehê hat kirin.