Şervanên Meclîsa Leşkerî ya Minbicê, di roja 69. a Pêngava Rizgarkirina Minbicê de, navenda bajarê Minbicê ji çeteyên DAIŞ'ê paqij kirin.

Çeteyên DAIŞ'ê li çend tax û nuqteyên li bakurê bajêr hatine dorpêçkirin. Şervanên Meclîsa Leşkerî ya Minbicê, operasyonên xwe yên li hemberî van çeteyan didomînin. Temamiya navenda bajarê Minbicê ji çeteyên DAIŞ'ê hat paqijkirin û rizgarkirin.

Li navenda çandê, nexweşxaneya Emel, xaçerêya ewlekariyê, postaxane, sûka El Mûxeta, taxa El Serab, taxa El Cûra, dibistana çandiniyê û li ser rêya Cerablûsê, şerê di navbera çeteyên DAIŞ'ê û şervanên Meclîsa Leşkerî ya Minbicê dewam dike. Li van deveran, çeteyên DAIŞ'ê sivîlan weke mertalên zindî bi kar tînin.

XAÇERÊYA STRATEJÎK A LI NAVENDA BAJÊR HAT RIZGARKIRIN

Şervanên Meclîsa Leşkerî ya Minbicê, di encama şerekî dijwar ê duh û pêr de, xaçerêya Kure El Erdiye ku cihekî stratejîk e ji çeteyan paqij kirin.

Li dû xaçerêya Kure El Erdiye, taxa El Tibê jî ji çeteyên DAIŞ'ê hat paqijkirin.