HPG’ ê têkildarî êrîşên li hemberî Herêmên Parastinê yên Medya agahî da

LI AMEDÊ OPERASYON

Navenda Çapemenî û Ragihandinê ya HPG’ ê diyar kir ku artêşa Tirk 31’ê Cotmehê li navçeya Hênê ya Amedê operasyon daye destpêkirin, li ser bersiva bi bandor a hêzên gerîla neçar maye vekişe.

HPG’ê di daxuyaniya xwe de got, “Bi çalakiya bersidayînê wesayîteke zirxî hatiye derbkirin hejmara mirî û birîndaran nehatiye zelalkirin.”

LI DÊRSIMÊ OPERASYON DIDOME

HPG’ê der barê operasyona artêşa Tirk a li Dêrsimê daye destpêkirin ev agahî da:

“31’ê Cotmehê danê êvarî artêşa TC li hemberî herêma Dayika Fatma ya girêdayî Dêrsimê dest bi operasyonê kir. Operasyon hê jî didome. Der barê operasyonê her agahiyên bi dest ketin bi detay wê bi raya giştî re bê parvekirin.”

OPERASYONA BÎNBÎR BERDEWAM DIKE

Di berdewama daxuyaniyê de hate diyarkirin ku operasyona li herêma Bînbîr a girêdayî navçeya Gever a Colemêrgê hê jî didome. Di çarçoveya operasyonê de wiha hate destnîşankirin: “31’ê Cotmehê saet 16.00-17.00’an helîkopterên Kobra girê Şehît Fîkrî rasterast gulebaran kirin.”

ÇIYAYÊ CÛDÎ HATE BOMBERDÛMANKIRIN

HPG’ê ragihand ku li Çiyayê Cûdî jî êrîş didomin. Di daxuyaniyê de wiha tê gotin: “ 31’ê Cotmehê saet 09.00-11.30’an balafirên şer ên Tirk li lûtkeya Çiyayê Cûdî bomberdûman pêk anî. Her wiha saet 09.00-17.00’an qereqola Bespin, lûtkeya Çiyayê Cûdî û herêma Girê Çolya da ber obus û hawanan. Her wiha, saet di navbera 07.00’an û 1’ê Cotmehê (îro) saet 04.00’an de pêgerên hewayî yên keşfê li ser herêman geriyane.”

Di daxuyaniya Navenda Çapemenî û Ragihandinê ya HPG’ê de têkîldarî êrîşên artêşa Tirk ên bi balafir û topan, ev agahî tên dayin:

LI HEMBERÎ HERÊMÊN PARASTINÊ YÊN MEDYAYÊ ÊRÎŞÊN HEWAYÎ DIDOMIN

31’ê Cotmehê saet 06.00-16.00’an qereqola Oremar a girêdayî navçeya Gever a Colemêrgê; qada Şehîd Rahîme ya li xeta sînora herêma Avaşîn a Herêmên Parastinê yên Medyayê bi obus û hawanan bomberdûman kir.

31’ê Cotmheê saet 10.30-11.30’an qereqola Serbesta ya li xeta sînorê herêma Metîna ya girêdayî Herêmên Parastinê yên Medyayê, girê Kuro Şîno bi tankan ve bomberdûman kir.

31’ê Cotmehê saet 11.00-13.30’an û 18.00-19.00’an qereqola Êrîş a li xeta sînorê herêma Zapê ya Herêmên Parastinê yên Medyayê, herêmên Xeregol û Şkefta Birîndara; saet 13.00-15.30’an qereqola Şkêr, herêma Latê Kewan; saet di navbera 18.30’an û 1’ê Mijdarê saet 03.30’an de qerqola Serê Sevê, herêma gundê Sernê da ber obus, hawan û katyuşayan.

1’ê Mijdarê saet 05.30’an qereqola Rûbarok a girêdayî navçeya Şemzînan a Colemêrgê, qada Geliyê Reş a li xeta sînorê herêma Xakûrkê ya Herêmên Parastinê yên Medyayê da ber obus û hawanan.

31’ê Cotmehê saet 18.30-21.30’an li ser herêmên Zap û Metîna yên Herêmên Parastinê yên Medyayê, saet 19.00’an heta 1’ê Mijdarê saet 05.30’an li ser herêma Garê, 31’ê Cotmehê saet 18.00’an heta 1’ê Mijdarê saet 11.30’an li ser herêma Avaşîn pêgerên hewayî yên keşfê geriyan.”

31’ê Cotmehê saet 18.00-22.00’an li ser Geliyê Mûnzûr û Geliyê Xarcîk ên Dêrsimê pêgerên hewayî yên keşfê geriyan.

31’ê Cotmehê saet 09.30-10.30’an li ser herêma Qendîl, saet 16.00-16.30’an û 22.00-23.00’an li ser herêma Metîna, saet 10.30-11.00’an, 17.00-18.00’an û 1’ê Mijdarê saet 01.00-02.00’an li ser herêma Zapê, tevgera balafirên şer çêbû.