Hate diyarkirin ku li Xûrmatû ya li başûrê Kerkûkê milîsên Heşdî Şebî ku ji milîsên Şîî pêk tên, herî kêm 50 kesên sivîl revandin.

Berpirsê Asayişa Xûrmatû Kemal Abdûllah diyar kir ku milîsên Heşdî Şebî berpirsê teqîna ku di aktîvîteya aşûreyê de pêk hat, van 50 kesên Sunî dîtine, ji ber vê jî revandine. Abdûllah destnîşan kir ku lê di destên milîsên Şîîyan de ti îspat tinene.

Duh danê êvarî li Xûrmatûyê ji bo aktîvîteya aşûrê ya roja yekemîn a meha Mûharrem li dar bixin, Şîî li taxa Askerî kom bibûn, di nav wan de wesayîtek bombebarkirî teqiya. Di êrîşê de 5 kesan jiyana xwe ji dest da, herî kêm 35 kes jî birîndar bûn.

Danê êvarî li heman taxê kesekî nasnameya xwe ne diyar êrîşeke çekdarî pêk anî, di encama êrîşê de kesekî jiyana xwe ji dest da.