Li Serêkaniyê bîlançoya bombebaranê: 8 kuştî 57 birîndar
Li Serêkaniyê bîlançoya bombebaranê: 8 kuştî 57 birîndar
Li Serêkaniyê di encama bomberanên balefirên şer ên rejîmê de, ji bilî yên nayên zanîn 8 sivîlan jiyana xwe ji dest da, 57 jî birîndar bûn. Her wiha bi dehan endamên Artêşa Azad hatin kuştin. Hate ragihandin ku Artêşa Azad xwe vekişandiye sînor û Tirkiyeyê jî deriyê sînor girtiye.
Piştî ku komên çekdar ên girêdayî Artêşa Azad di 8’ê Sermawezê de ketin bajarê Serêkaniyê û di navbera wan û hêzên rejîmê de şer derket, êrîş û bombebarên bi balefiran ên rejîma Sûriyê jî zêde bûn. Piştî ku duh balefirên şer cihên Artêşa Azad lê ne bombebaran kirin êrîşa herî dijwar îro pêk hat. Di saetên serê sibehê de balefirên şer Taxa Mehetê ku komên çekdar ên Artêşa Sûriyeya Azad ketibûnê bombebaran kirin. Di bombebarana ku gelek endamên Artêşa Sûriyeya Azad hatine kuştin de, 2 ji wan zarok 6 sivîl hatin kuştin û 27 jî birîndar bûn. Her wiha 10 mal jî hilweşiyan. Artêşa Azad kuştî û birîndarên xwe birine navçeya Serêkaniyê ya Bakurê Kurdistanê.
Piştî bombebaranê balefirên şer vê carê herêma Tel Xelef bombebaran kirin. Tê gotin ku li Taxa Mehetê û herêma Tel Xelef wekî baregeha Artêşa Azad tê bikaranîn.
TAXA KURDAN KIRIN HEDEF
Balefirên şer ên rejîma Sûriyeyê piştî nîvro jî Taxa Hawarna ku piranî kurd lê dijîn bombebaran kirin. Di bombebaranê de 2 kesan jiyana xwe ji dest, 3 zarok dibin dibin xaniyê ku hilweşiya de man û 30 kes jî birîndar bûn. Ji bo rizgarkirina 3 zarokan şêniyên taxê bênavber dixebitin, lê hîn jî nekarîne wan derxînin. Di bombebaranê de her wiha di navbera 22-25 malan de jî hilweşiyan.
GEL KOMÊN ÇEKDAR DERXISTIN
Hate hînbûn ku hinek komên çekdar 3 roj beriya niha li malek ku alîkariya wan dike bicîh bûne û balefiran jî, ji ber vê yekê bombebaran kiriye. Piştî ev agahî belav bû, welatiyên kurd û ereb li taxê kom bûn û nerazîbûn nîşanî vê koma hanê da. Hate ragihandin ku li ser vê yekê koma çekdar ji taxê derket.
Piştî bombebarana Taxa Hawarna, balefiran vê carê Taxa Mehetê û suka Serêkaniyê bombebaran kirin. Li gorî agahiyên destpêkê di encama bombarana li hemberî navenda sukê de, 20 dikan û mal hilweşiyan. Hate ragihandin ku di bombebaranê de kuştî û birîndar jî hene.
TIRKIYEYÊ SÎNOR GIRTIN
Hate ragihandin ku piştî bomberanan Tirkiyeyê deriyê sînor girtiye û nahêle tu kes derbasî aliyê Bakûrê Kurdistanê bibe. Ev yek jî wekî, “Tirkiyeya ku Artêşa Azad di deriyê sînor re derbasî Serêkaniyê kir û bû sedema komkujiyan, niha jî nahêle ku welatî birîndarên xwe bibin nexweşxaneyên Bakurê Kurdistanê û dixwaze welatiyên sivîl bên kuştin” hate şîrovekirin.
ARTÊŞA AZAD XWE VEKIŞIYA
Li aliyê din hate gotin ku di bomberanê de Artêşa Azad gelek windahî dane û xwe ji nava bajêr vekişiya ye sînorê Bakurê Kurdistanê. Li bajêr rewşa bi aloz didome û car caran jî topên hewanê têne avêtin.
Piştî ku komên çekdar ên girêdayî Artêşa Azad di 8’ê Sermawezê de ketin bajarê Serêkaniyê û di navbera wan û hêzên rejîmê de şer derket, êrîş û bombebarên bi balefiran ên rejîma Sûriyê jî zêde bûn. Piştî ku duh balefirên şer cihên Artêşa Azad lê ne bombebaran kirin êrîşa herî dijwar îro pêk hat. Di saetên serê sibehê de balefirên şer Taxa Mehetê ku komên çekdar ên Artêşa Sûriyeya Azad ketibûnê bombebaran kirin. Di bombebarana ku gelek endamên Artêşa Sûriyeya Azad hatine kuştin de, 2 ji wan zarok 6 sivîl hatin kuştin û 27 jî birîndar bûn. Her wiha 10 mal jî hilweşiyan. Artêşa Azad kuştî û birîndarên xwe birine navçeya Serêkaniyê ya Bakurê Kurdistanê.
Piştî bombebaranê balefirên şer vê carê herêma Tel Xelef bombebaran kirin. Tê gotin ku li Taxa Mehetê û herêma Tel Xelef wekî baregeha Artêşa Azad tê bikaranîn.
TAXA KURDAN KIRIN HEDEF
Balefirên şer ên rejîma Sûriyeyê piştî nîvro jî Taxa Hawarna ku piranî kurd lê dijîn bombebaran kirin. Di bombebaranê de 2 kesan jiyana xwe ji dest, 3 zarok dibin dibin xaniyê ku hilweşiya de man û 30 kes jî birîndar bûn. Ji bo rizgarkirina 3 zarokan şêniyên taxê bênavber dixebitin, lê hîn jî nekarîne wan derxînin. Di bombebaranê de her wiha di navbera 22-25 malan de jî hilweşiyan.
GEL KOMÊN ÇEKDAR DERXISTIN
Hate hînbûn ku hinek komên çekdar 3 roj beriya niha li malek ku alîkariya wan dike bicîh bûne û balefiran jî, ji ber vê yekê bombebaran kiriye. Piştî ev agahî belav bû, welatiyên kurd û ereb li taxê kom bûn û nerazîbûn nîşanî vê koma hanê da. Hate ragihandin ku li ser vê yekê koma çekdar ji taxê derket.
Piştî bombebarana Taxa Hawarna, balefiran vê carê Taxa Mehetê û suka Serêkaniyê bombebaran kirin. Li gorî agahiyên destpêkê di encama bombarana li hemberî navenda sukê de, 20 dikan û mal hilweşiyan. Hate ragihandin ku di bombebaranê de kuştî û birîndar jî hene.
TIRKIYEYÊ SÎNOR GIRTIN
Hate ragihandin ku piştî bomberanan Tirkiyeyê deriyê sînor girtiye û nahêle tu kes derbasî aliyê Bakûrê Kurdistanê bibe. Ev yek jî wekî, “Tirkiyeya ku Artêşa Azad di deriyê sînor re derbasî Serêkaniyê kir û bû sedema komkujiyan, niha jî nahêle ku welatî birîndarên xwe bibin nexweşxaneyên Bakurê Kurdistanê û dixwaze welatiyên sivîl bên kuştin” hate şîrovekirin.
ARTÊŞA AZAD XWE VEKIŞIYA
Li aliyê din hate gotin ku di bomberanê de Artêşa Azad gelek windahî dane û xwe ji nava bajêr vekişiya ye sînorê Bakurê Kurdistanê. Li bajêr rewşa bi aloz didome û car caran jî topên hewanê têne avêtin.
