Bi sedan şêniyên bajarê Kobanê cenazeyên Hikmet Miho (Hikmet Kobanê), Bayram Sayılgan (Dijwar Bahoz), Mehmet Can Mutlu (Rêdûr Amed) û Qadir Yavuz (Andok Ateş) bi merasîmekê lî Goristana Şehîd Dîcle spartin axê.

Di merasimê de, serokê Meclîsa Rêveber a Kantona Kobanê Enwer Mislim û cîgirê wî Xalid Berkel, Endama Rêveberiya TEV-DEM′ê Eyşe Efendî, cîgirê serokê Desteya Kar û Barên Civakî Şervan Mislim, Endamê Meclîsa Federaliya Bakurê Sûriyê Ferhad Dêrik û Endamên Meclîsa Malbatên Şehîdan a Kantonê, amade bûn.

'EM Ê ŞOPDARÊN WAN BIN'

Li goristanê şervanan merasîmekî leşkerî li dar xistin. Piştre Endamê Meclîsa Malbatên Şehîdan Îzet Hemo axivî, hemû cangoriyên azadiyê bi bîr anîn û soz da ku ew ê şopdarên rêya wan bin.

Piştre jî Hevseroka Meclîsa TEV-DEM′ê Eyşe Efendî got ku wê gelê Kurd li hember êrîşên dewleta Tirk û çeteyên wê parastina xwe bikin.

Piştî merasîmê cezanyê her 4 şervanan bi tilîlî û dirûşmeyan hatin definkirin.