Îro saet di 12.50’yî de hêzên rêjîmê êrîşî benda kontrolê yên Asayîşê ku li sûka Hesekê û taxa Neşwa ne kirin. Li ser vê yekê hêzên Asayêşê bersiv da û şer derket. Şer di herêma Kaziya Merşo û heta navenda sûka Hesekê fireh bû. Li taxa Neşwa Şerqî jî fieh bû û hêzên Asayîşê bersiva êrîşkaran da. Şerê herî dijwar li derdora Çerxeriya Ceyranê û bendên kontorlê yên Muqenîna. Li sûka bajar jî şer û pevçûnên demî hîn bê navber didomin.

SIVÎL BER BI HERÊMÊN KU DI BIN DESTÊ HÊZÊN ASAYÎŞÊ DE NE DISTIRÎNIN

Li taxê şer hê jî bê navber didome. Ji deqeya yekem a şer û heta niha welatiyên sivîl ji herêmên Taxa Neşwa Şerqî ku di bin destê hêzên rêjîmî de ye direvin û xwe dispêrin nuqteyên Asayê.

Endamên Asayêşê Diyar Bekir ê di Taxa Neşwa Rojhilat de parstina dikir gotin ku hêzên rêjîmê welatiyên bendên Asyaêşê û welatiyên sivîl hedef giritin û di encamê de hin welatiyên sivîl bi sivikî birîndar bûne. Bekir da zanîn ku hêzên rêjîmê qenas li ser avahiyên bilind bi cih kirine û welatiyên sivîl hedef digirin.

Endamê Asayêşê Ehmed Hesen jî da zanîn ku hêzên rêjîmê û pêxwasên wan dixwazin di nava pêkheteyên Hesekê de tevliheviyê derbixin û got ku ewê tu carî rê nedin tu aliyan ku biratiya gelan a di nava gelê HEsekê de derbe bikin.

Hêzên Asayîşê li herêma Sûka bajar jî welatiyên sivîl û xwendekarên ku li cihên hêzên rêjîmê asê mabûn rizgar kirin û wan anîn deverên bi ewle.