Artêşa Tirk li hember herêmên gerîla bomberdûmanên xwe yên bi obus, hawan û tankan bi dijwarî didomîne.

Navenda Çapemenî û Ragihandina HPG’ê der barê bomberdûman û tevgera hewayî ya artêşa Tirk daxuyaniyek nivîskî da.

HPG’ê diyar kir ku li hember herêmên gerîla topbaran didomin û wiha berdewam kir: “1’ê Cotmehê saet di navbera 18.00-23.00’an de artêşa TC bi piştgiriya pêgerên hewayî yên bê mirov, herêma Bînbîr a girêdayî navçeya Gever a Colemêrgê daye ber obus û hawanan.

1’ê Cotmehê saet di navbera 15.00-17.00’an de alaya Topavêj a Gulyaziyê, qereqola Tepe Çete û hêzên artêşa TC ên li sînorê Şehîd Kendalê, herêmên Şehîd Şêxmûs, Deriyê Davetiya û Girê Nêriya da ber obus û hawanan.

1’ê Cotmehê saet di navbera 10.00-11.00’an û 21.00-22.00’an de qereqola Êrîş a li xeta sînorê herêma Zapê ya Herêmên Parastinê yên Medyayê, herêmên Şikefta Birîndaran, Xeregol û Girê Cehennemê; saet di navbera 17.00-18.00’an û 22.30-23.00’an de qereqola Bîlîcanê, herêmên derdora xwe û Tepê Şehîd Colemêrg bi hawan, obus, katyûşa û tankan bomberdûman kir.

1’ê Cotmehê saet 14.00-17.00’an qereqola Dûrê ya li xeta sînorê herêma Xakûrkê ya Herêmên Parastinê yên Medyayê, herêma Nêrdûşa; 2’yê Cotmehê saet di navbera 06.00-07.00’an de Alaya Garê û qereqola Dêrikê jî, sêgoşeya Gerdiya, Çiyayê Karker û qûntarên wî, girê Şehîd Sarya û qûntarên wî, girê Konserve, girê Genîş û Dola 44 bi obus, hawan û tankan bomberdûman kir.

2’yê Cotmehê saet 06.00-06.00’an girê Sîvrî yê girêdayî qereqola Bezelê ya li xeta sînorê herêma Avaşînê ya Herêmên Parastinê yên Medyayê, herêma Girê Sor bi obus, hawan û tankan ve bomberdûman kir.”

HPG’ê der barê tevgera, tevgerên keşf û balafirên şer de jî wiha got:

 “1’ê Cotmehê saet di navbera 13.00-20.30’an de li ser herêma Metîna ya Herêmên Parastinê yên Medyayê; saet 14.00-16.00’an, 18.00-19.30’an, 20.00’an û êvarî saet 02.00’an li ser herêma Zapê; saet 09.00-12.00’an û 2’ê Cotmehê saet di navbera 00.00-06.00’an li ser herêma Garê; saet 19.00’an û 2’yê Cotmehê saet 08.00’an li ser herêma Avaşîn, pêgerên hewayî yên keşfê geriyan. Her wiha, 1’ê Cotmehê saet di navbera 18.00-18.30’an û 20.00-00.00’an de li ser herêma Zapê; saet di navbera 21.00-22.30’an de li ser herêma Metîna, tevgera balafirên şer çêbû.”