Li Dêrsimê bi pêşengiya Kurdî-Der panela zimanê dayikê pêk hat. Hevşaredarê Dêrsimê Bûl diyar kir ku divê xwedî li zimanê dayikê bê derketin.

Li Dêrsimê bi pêşengiya Kurdî-Der bi wesîleya 21’ê Sibatê Roja Zimanê Dayikê li Salona Konferansê ya Şaredariya Dêrsimê panel pêk hat. Moderatoriya panelê Lorîn Demîrel kir û nivîskar Denîz Gunduz, rêveberê HDP’a Amedê Nesîb Gultekîn wek axaftvan tevlî bûn.

Hevşaredarê Dêrsimê Mehmet Alî Bûl beriya panelê axivî û diyar kir ku zimanê dayikê di heman demê de dîrok, çand û baweriyê digire nav xwe, divê xwedî li zimanê xwe derkevin.

Ozan Husnu di bermaneyê de klamên xwe gotin.