Di 13'ê Hezîranê de welatiyê bi navê Huseyîn Tûrhan, ji ber di navbera wî û hevjîna wî de nîqaş derketibû, ji hêla polîsan ve hatibû binçavkirin. Tûrhan ê dema dibirin nexweşxaneyê, bi guleya polîsan bi giranî birîndar bibû û ew ji bo tedawiyê şandibûn Amedê. Polîsan diyar kiribû ku "Me keleş vekirî ji bîr kiribû, bi xeletî lê ket." Tûrhan ê li Nexeşxaneya Lêkolîn û Perwerdeyê ya Zanîngeha Dîcleyê dihat dermankirin, ji kemax, zik û çavên xwe birîndar bibû û ji bo gule ji laşên wî derxin hatibû emeliyatkirin.

Tûrhan ê ku ji zikê xwe gule xwaribû, di emeliyatê de guleya zikê wî hat derxistin û beşeke roviyên wî hatin girtin, lê perçeyên guleyên li kemex û çavên wî de hê jî dimînin. Tûrhan ê ku rewşa xeter li ser xwe avêt, ji ber perçeyên guleyan ku li çavên wî ket, çavekî wî kor bû.

Xaltiya Tûrhan Mûazzez Gelegele bertek nîşanî rewşê da û diyar kir ku li Cizîrê ewlehiya canê wan nemaye û eşkere kir ku polîs ti carî çeka xwe girtî nahêlin û her dem çekên wan vekirî ne.