Li bajarê Elmanya Bochûmê, ji bo piştgirîdayîna Nisêbînê meşek hat lidarxistin.

Li hemberî qedexeya derketina derve ya li Nisêbînê ku 11 roj in dewam dike û komkujiyên hêzên dewletê li Nisêbînê dikin, Kurdistaniyên li bajarê Elmanya Bochûmê dijîn, meşiyan.

Zêdeyî 200 Kurdistanî saet di 16:00 de li ber gara trenê ya Bochûmê civiyan û bi reng û alên gelê Kurd ber bi navenda bajêr ve meşiyan.

Di meşê de bênavber dirûşmên "Kujer Erdogan, kujer AKP" û "Bijî Berxwedana Nisêbînê" hat qîrîn. Girseya gel a xwe gihand pêşiya Rathaûs a Bochûmê, li ser qedexe û komkujiyên dewlet li Nisêbînê û bajarên din ên Kurdistanê dike, belavokek xwendin. Piştî xwendina belavokê çalakî bi dawî bû.