Leşkerên Artêşa Tirk gule berdan girseya gelê Rojava ku li ser sînor piştgiriya berxwedana Bakur dike.

Leşkerên artêşa Tirk gule berdan girseya çalakvanên bajarên Dêrik û Girkê Legê ku çûne herêma sînor.

Îro girseyek ji şêniyên herêma Dêrik û Girkê Legê ji bo piştgiriyê bidin berxwedana gelê Bakurê Kurdistanê û kiryarên hikûmeta AKP’ê protesto bikin, herikîn herêma sînorê di navber Rojava û Bakur. Li nêzî gundê Ên Dîwarê yê li ser sînor kom bûn û dest bi çalakiya xwe kirin.