Leşkerên Tirk agir berdan daristana li Hezroyê
Piştî ku li 18 gundên navçeyên Licê, Hezro û Karaz ên Amedê derketina derve hat qedexekirin, operasyona leşkerî destpê kir. Operasyona li vê herêmê dewam dike.
Ji ber operasyonê li hin cihan şer diqewime. Leşkerên dewleta Tirk bi çekên giran gule li daristana li nêzî gundê Helhel ê Hezroyê reşandin. Leşkerên Tirk her wiha bi benzînê agir berdan daristanê. Bi helîkopeteran jî bombe li daristana li derdora gund hat barandin.
Şer û şewata li herêmê dewam dikin.
