Komeleya Hiqûqnasên Mezopotamyayê (KHM) a Şaxê Êlihê diyar kir ku kesên ku li Sasonê hatin binçavkirin tên êşkencekirin.

KHM’ê ya ku daxuyaniyek nivîskî da û ev agahî parvekirin: “39 kesên ku di nav de rêveberên HDP û DBP’ê yên Hezo, Serokê berê yê Şardariya Êlihê Nejdet Atalay – endamê PM yê DBP’ê Mehemt Candemîr, li Sasonê ev 48 saetin bi kelepçekirî tên êşkence kirin.”

Di daxuyaniyê de wiha hat gotin: “Weke komele li ser nerazîbûnên me jî ji aliyê dozger ve nehate nirxandin û dozger bê navber êşkenceya xwe zêde dike û didomîne.” ev îfade di daxuyaniyê de cih gitin:

“Parlemeterên ku hatin binçavkirin dema ku razayî yan jî bi parêzerên xwe re hevdîtinê dikin jî kelepçekirîne, tevî her cure heqaret û dijûn rastî nêzîkatiyên xirap û êrîşên pîskolojî û fîzîkî tên. Bi awayekî bê hiqûqû di saet 5:00’ê sibehê ji xew tên rakirin û neçarî îfade dayînê dikin.”

‘EGER KU DOZGER JI PEYWIRÊ NEYÊ GIRTIN, NAKEVIN ÎFADEYÊ’

Şaxê KHM’ê yê Êlihê wiya anî ziman: “Li dijî hişmendiya ku di çarçoveya operasyonên siyasî ku vîna gel kelepçe dikin û hemû sînorên hiqûqê derbas dikin, dixwazin êşkenceyê bikin, em ê mafê xwe yê hiqûqî û têkoşîna hiqûqê dewam bikin.” hat diyarkirin ku heta dozgerê li ser dozê ji peywirê neyê girtin û êşkence bi dawî nebin wê nekevin îfadeyan.