Tevgera Azadî ji bo krîza li Başûrê Kurdistanê  wê projeya çareseriyê aşkera bike.

Ebûbekir Mecît ê li ser navê Tevgera Azadiya Kurdistanê daxuyaniyek da got ku ji bo çareseriya krîza li Başûrê Kurdistanê, projeyek amade kirine û wê pêşkêşî aliyên siyasî bikin.

Endamê Tevgera Azadiya Kurdistanê Ebubekir Mecîd îro der barê krîz û aloziyên Başûrê Kurdistanê ragihand ku ew xwedî projeyek çareseriyê ne û wiha axivî; “Piştî nîqaş û goftûgoyên berfireh me biryar da ku em projeyek çareseriyê ji raya giştî re aşkera bikin. Bi vê armancê, roja Yekşemê saet 10.00’ê em ê li Salona Endêşe ya Silêmaniyê daxuyaniyeke çapemeniyê bidin. Em ê di daxuyaniya xwe  de projeya xwe ya çareseriyê ji raya giştî û aliyên siyasî re pêşkêş bikin.”

Mecîd dewama axaftina xwe de wiha got; “Ev krîz û aloziya îro derketiye holê, ne krîzek îro yan a duh e. Ev krîz û aloziyek bi salan a desthilatên Herêma Kurdistanê ye, ku heya niha nekariye van krîzan çareser bike û ji daxwazên gel re nebûye bersiv.”

'JI BO ÇARESERIYÊ PROJEYA HERÎ GUNCAV E'

Mecît, got ku xwedî perspektîfeke ku pirsgirêkên Başûrê Kurdistanê çareser bikin û xwest bê destekkirin. Mecît axaftina xwe wiha bi dawî kir: "Projeya em ê çareser bikin, di vê atmosfera tevlihev de ji bo feydeya gel e. Em bawer in projeya em ê aşkera bikin ji bo çareseriya krîzê rêbaza herî guncaw e.”

Proje, 25’ê Cotmehê saet 10.00 wê li Salona Endêşe bê aşkerakirin.