Ji bo gerîlayê HPG'ê Cafer Tagman (Dara Kûrtay) ê li Agiriyê di şer de jiyana xwe ji dest da, li Mala Sersaxiyê ya Bostanîçî Şafak, mewlûd hat dayîn. Di mewlûdê de alîkarên hevserokên DBP'ê yên Wanê Nazmiye Acar û metîn Kûtaz, Hevseroka HDP'ê ya Wanê Gulîstan Orhan, Hevseroka MEYA-DER a Wanê Nerîman Ûrar û şêniyên bajêr amade bûn.

Li dû deqeyeke rêzgirtinê ji bo bîranîna cangoriyên têkoşîna azadî û demokrasiyê, dua hatin xwendin. Piştre Hevseroka MEYA-DER a Wanê Ûrar axivî û diyar kir, yên dibêjin ew ê gelê Kurd biqedînin, wê careke din şaş bimînin. Ûrar da xuyakirin, ku divê gelê Kurd bi hev re di nava yekîtiyê de tevbigere.

Xizmên Tagman jî peyivîn û gotin, "Şehîd ne tenê şehîdê me ye, yê tevahiya gelê Kurd e."

Mewlûd piştî belavkirina xwarina xêrê bi dawî bû.