Tevgera hewayî ya artêşa Tirk bênavber didome. 

Navenda Ragihandin û Çapemeniyê ya HPG’ê der barê tevgera hewayî û bombebaranên artêşa Tirk de daxuyaniyek nivîskî da.

HPG’ê der barê tevgera hewayî de ev agahî dan:

“Di 18’ê Sibatê de saet di navbera 10.30’an û di 19’ê Sibatê saet di 04.00’an de li qada Xantur a di xeta sînor a herêma Heftanîn ya Herêmên Parastinê yên Medya, balafirên şer ên artêşa Tirk a dagirker xebatên keşfê pêk anîne.

Her wiha 18’ê Sibatê  saet di navbera 13:00 - 13:30, 15:00 - 15:30 ile 18:30 - 19:00’an de li herêma Cûdî ya Şirnexê tevgera hewayî ya balafirên şer hatiye jiyîn.

Di  20’ê Sibatê de (îro) saet di navbera 00:00 - 05:00’an de li hemberî Girê Mamreş ê girêdayê Şemzînan a Colemêrgê û di bin kontrola artêşa Tirk de ye, li derdora Mêrgê û Tepê Ronahî ku di xeta sînor herêma Avaşîn a Qerekola Girana de ye bi obus û hewanan bomberan pêk hatiye.”