Şervanên Meclîsa Leşkerî ya Minbicê, ku duh nêzî 4 hezar 500 welatiyên sivîl ên Minbicê ji destê çeteyên DAIŞ’ê rizgar kirin, îro danê sibehê 300 welatiyên din ku piraniya wan jin û zarok in, rizgar kirin.

Welatiyên ji taxa Neîmî, Xaçerêya Cizîrê, Xaçerêya Bîraz û Pira Bîraz hatin derxistin, alav û tiştên xwe yên malê jî bi xwe re derxistin.

Şervanên Minbicî, tedbîrên ewlekariyê girtin  û ev welatî gihandin cihên aram û bi ewle. Li wan qadên azad Meclîsa Sivîl a Minbicê bi wan re mijûl dibe û xwedî li wan derdikeve.

Jinên ku hatine rizgarkirin dema gihîştin van qadên azad, cilên reş ên DAIŞ'ê bi zorê li wan kiribûn, ji xwe kirin.