Piştî nîqaşên du rojan, Hevpeymana Civakî ya Bakurê Sûriyeyê ji aliyê Desteya Rêxistinî ya Meclîsa Damezrîner a Sîstema Federasyona Demokratîk a Bakurê Sûriyeyê ve hat erêkirin.
Desteya Rêxistinî ya Meclîsa Damezrîner a Sîstema Federasyona Demokratîk a Bakurê Sûriyeyê di civîna ku li navenda meclîsê ya li bajarê Dêrikê pêk hat de pêşnûmeya hevpeymana civakî erê kir.
Di civîna 2 rojan de beşdaran pêşnûmeya hevpeymana civakî xwendin û hin xalên wê sererast kirin. Pêşnûme ji bilî navê sîstema federal bi awayekî giştî hat erê kirin.
Der barê navê sîstema federal de beşdaran 3 pêşniyar kirin û wê pêşniyar ji civîna dema pêş a Meclîsa Damezrîner a Sîstema Federasyona Demokratîk a Bakurê Sûriyeyê re bê pêşkêşkirin.
Pêşniyarên ji navê sîstemê hatine pêşkêşkirin wiha ne:
-Sîstema Federal a Demokratîk a Rojavayê Kurdistanê
-Sîstema Federaliya Demokratîk a Rojava –Bakûrê Suriyeyê
– Sîstema Federal a Demokratîk a Bakurê Sûriyeyê.
Her wiha di civînê de biryar hat girtin ku pêşnûmeya hevpeymana civakî ji aliyên siyasî yên peywendîdar re bê pêşkêşkirin û di dezgehên çapemeniyê de were weşandin.
Beşdaran biryar dan ku pêşnûmeya hevpeymana civakî ji meclîsên zagonsaz ên Kantonên Rêveberiya Xweseriya Demokratîk re were pêşkêşkirin û ji bo gotûbêjkirina pêşnûmeyê civîn bi wan re bêne lidarxistin.
Desteya Rêxistinî ya Meclîsa Damezrîner a Sîstema Federal wê îro encamnameya civîna xwe eşkere bike û li ser malpera fermî ya Sîstema Fedaral bi navê, /http://www.fdr-bs.com/ar/ biweşîne.
Desteya Rêxistinê ya Meclîsa Damezrîner a Sîstema Federal wê di 27`ê Tîrmeha 2016`an careke din kom bibe.
