Walîtiya Colemêrgê, navçe û navenda Colemêrgê jî di nav de bi sedan jiyangehên sivîl bi sedema “Herêmên Ewlekariya Taybet” qedexe îlan kir û ji ketina welatiyan re qedexe kir.

Walî, ji beriya niha li Colemêrgê bi sedan herêm bi sedema “Herêmên Ewlehiya Taybet” qedexe îlan kiribû. Herêmên li ser sînorên navçeya Çelê, Şemzînan, Gever, navenda bajar ji welatiyan re hate qedexekirin. Her wiha bax- baxçe, zozan û bi sedan jiyangehên welatiyan di çarçoveya “Qedexe” ji 3’ê Gulanê heta 17’ê Gulanê ji welatiyan re hate qedexekirin. Li cihên navborî ji mehên havîna sala bihurî ve her tim qedexe tê dirêjkirin.