Nûçeyên ku dibêjin di cejnê de bi Rêberê Gelê Kurd Abdullah Ocalan re hevdîtin bibin, hê nehatin piştrastkirin.

Birayê Ocalan, Mehmet Ocalan ji ANF’ê re axivî û got, îdîayên ku têne gotin bi teqezî hê nehatine piştrastkirin. Mehmet Ocalan: ‘’Em bi teqezî nizanin. Heke tiştekî wiha bibe, em ê bibêjin.’’

BALÛKEN: HETA KU HEVDÎTIN NEBE EM BAWER NAKIN

Serekwekîlê Koma HDP’ê û endamê Şandeya Îmraliyê Îdrîs Balûken diyar kir, wan xwest ku xwe bigihînin Wezareta Dadmendiyê, wan hê îdîa piştrastkirine. Balûken wiha got: ‘’Niha vîna gelê Kurd ku dixwaze bi Birêz Ocalan re hevdîtin pêk were li holê ye. Gelê me li çar aliyên cîhanê li bendê ye ku hevdîtin pêk were û têkoşîna vê dide’’

Balûken got, li şûna daxuyaniyan divê geşedanên berbiçav pêk werein û wiha anî ziman: ‘’Bendewariya me hemûyan e ku gavek beriya niha parêzer an jî ji malbat biçin Îmraliyê. Heta ku hevdîtin pêk neyê, gelê me wê ji daxuyaniyên ku têne dayin bawer neke’’