Li Farqînê, 'qedexeya derketina derve' tevahiya şevê hat protestokirin.

Li navçeya Amed Farqînê, 'qedexeya derketina derve' û êrîşên hêzên çekdar ên dewletê, tevahiya şevê hatin protestokirin. Ciwanên ku li kolana Diyarbakir a Taxa Ferîdûn lastîk şewitandin û dest bi berxwedanê kirin, rastî êrîşa polîsan û tîmên taybet a bi panzer, wesayîtên zirxî yên kobra û akrepan hatin. Ciwanan xwe parastin û bersiv dan êrîşan. Bûyerên li vê derê qewimîn, tevahiya şevê dewam kirin.

Li aliyê din, ji bo Firat Gensûr (16) ê di 19'ê Cotmehê ji aliyê polîsan ve hat qetilkirin, li Mala Serxweşiyê ya Taxa Bahçelîevlerê serdanên sersaxiyê tên qebûlkirin.

Parlamentera HDP'ê ya Amedê Sîbel Yîgîtalp, Hevşaredaren Farqînê û rêveberên DBP, HDP û MEYA-DER'ê jî di nav de gelek kes çûn serdana malbatê.