Fîlmê "Heft roj û heft şev" ku ji bo bîranîna Dayika Taybet hate çêkirin, hêjayî xelatê hate dîtin. Dayika Taybet li Silopiyayê bi fîşeka polîsên Tirk hatibû kuştin û cenazeyê wê hefteyekê li naverastê mabû.
Li navçeya Silopiya ya Şirnexê, di dema "qedexeya derketina derve" de polîsên Tirk dayika Taybet kuştibûn û nehiştibûn ku cenazeyê wê hefteyekê ji naverastê bê rakirin. Fîlmê "Heft roj û heft şev" ê ji bo bîranîna dayika Taybet hate kişandin, li Festîvala Fîlmên Kurt a Marmarîsê hêjayî xelata duyemîniyê hate dîtin.
Fîlm ji aliyê Alî Bozan ve hatiye amadekirin.
