Fermandariya Biryargeha Navenda Parastina Gel rapora gerîlayekî bi navê Dijwar Armed weşand û ragihand, li dijî îşkence, zext, tecrîd û komkujiyên li hemberî Rêberê Gelê Kurd Abdullah Ocalan û gelê Kurdistanê tên kirin, gerîla amade ye çalakiyên fedayî bikin.

Navenda Parastina Gel ji ajansa me ANF'ê re ragihand, ku bi tenê di nava salekê de bi sedan gerîla pêşniyara çalakiya fedayî kirine. Di daxuyaniya Navenda Parastina Gel de hat gotin, "Gerîlayên me yên ku polîtîkayên tinekirinê yên hikûmeta AKP'ê yên li hemberî Rêberê me, gelê me û hevrêyên me qebûl nakin, veguherîne gogek ji agir. Hemû gerîlayên me bi hêrseke gelekî mezin in û ji bo çalakiyên mezin li dar bixin, bi biryar in. Gerîlayên me her roj raporên ji bo pêkanîna çalakiya fedayî dinivîsînin. Bi tenê di nava salekê de bi sedan rapor hatine. Ya ji bo me girîng e, ku hevrêyên me zerarê nebînin û bi vî rengî çalakiyê lidar bixin."

'EM Ê LI DIJÎ DIJMIN BIBIN GOGEK JI AGIR'

Navenda Parastina Gel, rapora gerîlayekî HPG'ê yê bi navê Dijwar Armed a li ser pêşniyara çalakiya fedayî bi ANF'ê er parve kir. Di rapora Armed ê di sala 2012'an de tevlî nava refên gerîla bûye, qewimînên dîrokî û ji nû ve vejîna gelê Kurd a bi pêşengiya Rêberê Gelê Kurd Abdullah Ocalan tê vegotin.

Armed dibêje, "Tevlîbûna li nava refên rêxistinê, ji bo min şenseke mezin e. Ji nêz ve dîtina rêxistinê, dîtina rêbaza jiyanê ya hevalên payebilind û nêzbûna li rêbaza jiyanê ya Rêbertî, dîtina vê yekê, ji bo min li cîhanê şensê herî mezin e" destnîşan dike, ku esasgirtina vê tempo û rêbaza PKK'ê, ji bo wî perwedeya herî mezin e.

Armed balê dikişîne ser tecrîda giran a li ser Ocalan û wiha dewam dike: "Li dijî tecrîda li ser Rêberê me, berxwedan û lehengiyeke mezin divê. Divê dijmin vê baş zanibe; êrîşeke biçûk li hemberî Rêberê me bê kirin, wê Tirkiye veguhere gola xwînê. Di demeke bi vî rengî de, ku fikarên me li ser tenduristiya Rêbertî hene, girîng e em bibin gogek ji agir û bi Zîlanî di dilê dijmin de li ber xwe bidin û Rêbertî silav bikin.

Berxwedana Bakur dîrok nivîsand û careke din xeta berxwedanê nîşanî me da. Berxwedana Mehmet Tûnç ji bo me bû sembol û dîrok. Çalakiyên hevalên Zinar û Dogan jî ji bo me bûn xeta berxwedanê ya sala 2016'an."

Kurteberiya rapora gerîla Dijwar Armed a ji bo çalakiya fedayî bi vî rengî ye: "Di herikîna dîrokê de Kurdan jî gelek leheng afirandine, destan nivîsandine û berdêlên giran dane. Van rêberan ji bo azadiyê û li dijî zilmê nekarîne zêde li ber xwe bidin. Di sedsala 21'an de ku herî zêde di vê demê de zilm li Kurdan hat kirin, Rêber Apo derket holê. Rêberên Kurdan ên beriya Rêber Apo, ji nava malbatên mezin ên gel derketin holê. Lê belê Rêber Apo ji nava malbateke xizan derket holê. Ji ber vê yekê, yê herî zêde gelê Kurd û gelên din fêhm dike, bi êşên wan dizane Rêber Apo ye. Ji bo azadiyê bi hezaran mirov perwerde kir, gavên mezin avêt û rê li ber pêşketinên mezin vekir. Di heman demê de bû Rêberê gelan. Di analîzên xwe de bûyerên dîrokî gelekî baş analîz dike û dema pêş tespît dike. Di nava ol de ev rewş weke mûcîzeyên pêxemberan tê pênasekirin.

…

Piştî xweranegirtina li hilbijartinên 7'ê Hezîranê, êrîşên 24'ê Tîrmehê dan destpêkirin. Mîna gayê çav li rengê sor ketiye, êrîşî derdorê kirin. Mîna xewn û xeyalekê, ji Erdogan û çeteyên wî hebû ku wê vî şerî qezenç bikin. Lê belê têkçûna wan a ku bi îstifaya Davûtoglû re veşartin, derket holê. Bi berxwedana gerîla, gel, YPS/YPS Jinê re, xewn û xeyalên wan têk çûn. Operasyonên 'em ê serî bidin tewandin' ên Erdogan û çeteyên wî veguherîn operasyonên 'em ê serî netewînin'.

Piştî êrîşa topyekûn a di Tîrmeha 2015'an de dan destpêkirin, di sala 2016'an de 'Mehmetçîk'ên xwe yên jê re digotin 'rûmeta me ye', weke artêşeke terorîst li hemberî xwe dîtin. Li hemberî vê darbeyê, hikûmeta Erdogan li qulikan geriya ji bo xwe lê veşêre. Banga HDP'ê ya sala 2014'an, ku ji bo destekkirina berxwedana Kobanê ji gelên Bakur û Tirkiyeyê xwestibû dakevin kolanan, ji aliyê hikûmeta Erdogan ve weke 'teşwîqa ji bo serhildanê' hatibû pênasekirin. Vê hikûmetê, roja darbe hat kirin heta jê hat bang li gel kir û xwest dakeve kolanan.

Di darbeyê de, tevî leşkerên ku weke mejiyê artêşê tên binavkirin û gelek payebilindan, bi qasî 8000 hezar leşker hatin girtin. Ev yek jî weke serketinekê nîşan da û hewl da çavên gel bigire. Ji wan heye ku wê bi vî awayî kaosa Tirkiye di nav de ye karibin veşêrin. Bi vê yekê ve hindik ma ye TC, hikûmeta Erdogan di zinêr re wer bibin. Bi vê darbeyê ve derketiye holê bê artêş û hikûmeta Tirk li pêşberî Rêber Apo û milîtanên wî çiqasî tengav bûne. Gavên serketinê yên di meha Tîrmehê de bi berxwedana Kemal Pîr, Hayrî Dûrmûş, Alî Çîçek û Akîf Yilmaz hatin avêtin, niha bi Şoreşa Rojava û gavên li hemberî artêşa Tirk dewam dikin.

... zêdeyî 16 meh in Rêberê me di nava tecrîdeke giran de tê ragirtin. Ev ye ji bo me sedema herî mezin a şer e.

Ev rewş, berxwedan û lehengiyên mezin li ser me ferz dike. Berxwedana Bakur dîrok nivîsand û careke din xeta berxwedanê nîşanî me da. Berxwedana Mehmet Tûnç ji bo me bû sembol û dîrok. Çalakiyên hevalên Zinar û Dogan jî ji bo me bûn xeta berxwedanê ya sala 2016'an.

Di demeke bi vî rengî de, ku fikarên me li ser tenduristiya Rêbertî hene, girîng e em bibin gogek ji agir û bi Zîlanî di dilê dijmin de li ber xwe bidin û Rêbertî silav bikin. Weke milîtanekî Rêbertî, ez dixwazim Rêberê xwe silav bikim û ev yek jî bi berxwedaneke mezin dibe. Di demeke bi vî rengî de, ku Rêberê me di nava tecrîdê de ye, mirovên me tên qetilkirin û bajarên me tên xerakirin û şewitandin, Tirkiye qet zerarê nabîne û qet bi komkujiyên li rojhilat nahese. Her wiha helwesta şoreşgerên Tirkiyeyî bi tenê di gotin û teoriyê de dimîne. Jİ ber vê yekê, di demeke ku berxwedana li Kurdistanê derketiye asta herî bilind de, ez dixwazim li metropolên Tirkiyeyê çalakiya canbexşane lidar bixin.

Bi şensa rêxistin bide min, ez ji bo vê wezîfeyê amade me. Ez bawerim, ez ê bibim bersiv ji pêvajoyê re. Bi hemû erk û mîsyona rêxistin bide min, ez amade me çalakiya canbexşane pêk bînim. Bi çalakiya xwe ya fedayî ez ê bibim bersiv ji Rêbertî û şehîdan re.

…

Silav û rêzên şoreşgerî

31. 07.2016

Dijwar Armed"