Di çarçoveya Operasyona Şehîd Fermandar Feysel Ebû Leyla de, li dora Xaçerêya Ewlekariyê ya li navenda bajêr, di navbera şervanên Minbicî û çeteyên DAIŞ'ê de şer derket. Di şer de 9 çete hatin kuştin.

Çeteyên DAIŞ'ê duh bi şev saet di 23:00 de êrîşî çeperên şervanan ên li gundên li qiraxa çemê Sacurê kirin. Şervanan di cih de bersiv dan û şer derket. Di vî şerî de 13 çete hatin kuştin.

Êrîşên çeteyan ên li hemberî gundên Um Edesa û El Dendeniyê jî hatin şikandin.

Danê vê sibehê saet di 05:00 de ji ber êrîşên çeteyên DAIŞ'ê yên li hemberî gundên Xirbit El Rûs, Cib El Neşama û Xirbist El Siwana şer derket. Di şer de 18 çete hatin kuştin.

Operasyonên şervanên Minbicî yên li herêmê dewam dikin.