Navenda Çapemenî û Ragihandinê ya HPG’ê diyar kir ku bomberdûmanên ji aliyê qereqolên sînor ên Şirnex û Colemêrgê ve û tevgera hewayî didomin.

Navenda Çapemenî û Ragihandinê ya HPG’ê daxuyaniyeke nivîskî weşand û diyar kir ku qada Şehîd Gafûr a li ser xeta sînorê herêma Avaşîn hatiye bombekirin, ji Girê Sîvrî yê girêdayî qereqola Bezelê qadên Tepê Sor, Gundê Herkî û Gundê Herdewe bi obus, hawan û tankan hatiye bombekirin.

Navendê di daxuyaniya xwe de got: “23’ê Cotmehê (îro) saet di navbera 10.20 - 11.00’an de qada Şehîd Gafûr a li ser sînorê herêma Avaşîn hatiye bombekirin.  

22’ê Cotmehê saet 20.30-21.00’an girê Sîvrî yê girêdayî qereqola Bezelê ya li xeta sînorê herêma Avaşîn a Herêmên Parastinê yên Medyayê, herêmên Tepe Sor, Herkî û Gundê Herdewê;

23’ê Cotmehê (îro) saet 08.30-10.30’an qereqola Oremar, herêma Şehîd Gafûr bi obus, hawan û tankan ve bomberdûman kir.

22’ê Cotmehê saet 23.00-23.30’an qereqola Êrîş a li xeta sînorê herêma Zapê, herêma Çiyayê Reş da ber obus û hawanan.

22’ê Cotmehê saet 06.00-20.00’an qereqola Tepê Maymûn a li xeta sînorê herêma Heftanînê û hêza operasyonê ya li derdora herêma Şehîd Kendalê xwe bi cih kiriye, herêma Deriyê Dawetiya bi awayekî periyodîk dan ber obus û hawanan.

22’ê Cotmehê saet 07.00-08.00’an qereqola Elemûn a li xeta sînorê herêma Metîna, herêma Tepê Zendûra bi hawanan bomberdûman kir.

Di navbera 22’ê Cotmehê saet 19.30 û 23’ê Cotmehê saet 01.00 de li ser herêma Zapê, 23’ê Cotmehê saet di navbera 03.00-07.00 de li ser herêma Metîna pêgerên hewayî yên bêmirov keşf pêk anîne.”