Berxwedana li Terolar a Mereşê ya li hemberî hewldana çêkirina kampa ji bo çeteyan a AFAD'ê hat destpêkirin, bû hedefa êrîşê.

Hêzên dewleta Tirk bi TOMA'yan êrîş kirin. Di dema vê êrîşê de bi qasî 15 kes hatin binçavkirin û konê berxwedanê yê nêzî Mala Cem bi zorê hat rakirin. Leşkeran mirovên li binê kon ji hev belav kirin û kon dan ber agir.

Kesekî 80 salî jî, ji ber ava şid a li serî ket, bi giranî birîndar bû.

Ji bo piştgiriyê bidin berxwedanê, bi sedan kes ji Stenbol, Enqere, Îzmîr û gelek bajarên din berê xwe dan Terolarê, lê belê li pêşiya Terolarê ji aliyê hêzên dewletê ve hatin astengkirin. Hunermend Pinar Aydinlar jî di nav de gelek kes hatin binçavkirin.