Berxwedana Kobanê, ku bi operasyonên azadkirina tevahiya Kantona Kobanê re ketiye roja 159., danê sibehê li ser sînorê ji berfê spî bû, hat silavkirin.

Girseya gel a ji bo piştgiriya berxwedana Kobanê li gundên li ser sînor nobedê digire, di roja 159. de berxwedana Kobanê ya dîrokî silav kir. Li gundên Miseynter, Mehser û Elîzêr ên Pirsûsê, ku sibê zû berf lê bariya, çalakiya zincîra ji mirovan hat lidarxistin û berxwedêrên Kobanê hatin silavkirin. Girseya gel dirûşmên "Bijî Berxwedana Kobanê", "Bijî Azadiya Kobanê", "Bijî Serok Apo" û "Bijî Berxwedana Şengalê" qîriya, alên PKK, KCK, YPG û YPJ'ê hildan, berê xwe dan Kobanê û berxwedêr silav kirin. Girseya gel bejna xwe li ber Kobanê tewand û mînetdariya xwe ji şervanên YPG/YPJ'ê nîşan da.