Çeteyên El-Nusra û komên alîgirên wê dîsa dest bi topbarankirina Taxa Şêxmeqsûd kirin û şervanên YPG/YPJ’ê bersiv dan çeteyan.

Li gorî nûçeya ANHA’yê, çeteyên El-Nusra, Ehrar El-Şam, Tevgera Nûreddîn El-Zenkî û Tabûra Sultan Murad careke din bi hawanan êrîşî taxa Şêxmeqsûd a bajarê Helebê kirin. Çeteyan bi vê topbaranê deverên sivîl ên taxê armanc girtin û çekên din ên giran jî bikar anîn.

Şervanên Yekîneyên Parastina Gel û Yekîneyên Parastina Jin bersiv dan çeteyan, lê heta niha tu agahiyên der barê encamên topbaranê û bersivdayîna YPG/YPJ’ê de nehatine bidestxistin.