Bi sedan ji şêniyên Kantona Efrînê xwedî li cenazeya têkoşer Şoreş Efrîn derketin û ew ji nexweşxaneya Avrîn rakirin û berbi goristana Şehîd Refîq a gundê Metîna ya girêdayî navçeya Şera birin.

Şervanên YPJ/YPG`ê ji bo hevalên xwe merasîmeke leşkerî lidarxistin. Li pêşiya merasîmê endamê Meclisa Leşkerî yê Yekîneyên Parastina Gel YPG`ê Sîdar Efrîn axivî.

Efrîn di despêka gotinên xwe de got ku berxwedaniya YPG`ê li hemberî neyarên mirovahiyê her roj zêde dibe û şervanên me ji parastina gel û xaka xwe xwe feda dikin.

Êrîşên dewleta Tirkiyê ji aliyê Efrîn ve hate nirxandin û got “Dewleta Tirk û çeteyên wê Cerablus dagirkirin, bombebaran kirin li du gundên Cerablusê li ser sivîlan komkujî pêkanîn û di encama wê de bi dehan kesan di nava wan de jin û zarok jiyana xwe ji dest dan. Her wiha çeteyên DAIŞ`ê û yên koalisyonê nuqteyên şervanên Ceyîş El-Siwar kirin ên herêma Şehba kirin. Ceyîş El-Siwar bersiv da van êrîşan û ew çete têkbirin. Em sozdidin gelê ku riya şehîd û cangoriyên xwe bişopînin û gelê xwe ji zulmê rizgarbikin.”

Têkoşer Yûsif Mihemed (Şoreş Efrîn) ê 27`ê tebaxê li herêma Şehba şehîd bibû spartin axê.