Navenda Ragihandin û Çapemeniyê ya HPG'ê, li ser tevgera hewayî û bomberdûmana artêşa Tirk de daxuyaniyeke nivîskî weşand.

Di daxuyaniyê de hat gotin, "Ji saet 17:00 ê 27'ê Îlonê heta saet 05:00 ê 28'ê Îlonê (îro), balafirê şer ên artêşa TC û qereqola Girê Remo, bi desteka pêgerê hewayî yên bêmirov ên keşfê re, qadên Geliyê Cixara, Şehîd Hozan, Kale Varegoz, Şehîd Azîz, Mergê û Geliyê Doskî yên navçeya Colemêrg Geverê bomberdûman kirine.

Gelê herêmê yê li hemberî vê bomberdûmanê çalakiya mertalên zindî lidar dixin, rastî êrîşa çekdarî ya leşkerên artêşa Tirk hat. Di nava çalakiya mertalên zindî de Parlamentera HDP'ê Selma Irmak jî heye. Ev girseya gel û parlamenter bi zanebûn ji aliyê leşkeran ve hedef hatine girtin."

Di dewama daxuyaniya HPG'ê de bal hat kişandin ser van xusûsan:

"Roja 27'ê Îlonê saet di navbera 05:00 - 18:00 de qereqola Oremarê ya li navçeya Colemêrg Geverê, dem bi dem qadên Şehîd Gafûr, Şehîd Bager û Şehîd Artêş ên herêma Heftanînê bi obus, hawan û tankan bombe kiriye. Ji ber bomberdûmanê li herêmê şewat derketiye.

Roja 27'ê Îlonê saet di navbera 15:30-16:00 û 20:00-21:00 de, qereqola Bilican a li herêma Zapê bi tank, obus û hawanan qadên Garê ya Biçûk, Dola Şehîd Zekî û Girê Çete bombe kiriye.

27'ê Îlonê saet di navbera 08:30-19:30 de li herêma Qendîlê, saet di navbera 14:30-15:00 de li herêmên Xakurkê, Heftanîn, Metîna û Garê, saet di navbera 15:00-16:00 û ji saet 22:30 heta 04:30 ê 28'ê Îlonê de li herêma Zapê balafirên şer geriya ne."

27’ê Îlonê saet di navbera 11.00 - 18.00’an de li ser herêma Heftanîn, saet di navbera 08.00 - 09.30 û 19.30 - 22.00’an de li ser herêma Garê, saet di navbera 06.00 - 09.00, 14.00 - 15.30 û 20.00 - 21.00’an de li ser herêma Zapê pêgerên hewayî yên bêmirov geriyane.