Li Kerboranê ji duh ve ye qedexeya derketina derve berdewam dike. Polîsên ku taxan dorpêç kirine bi çekên giran êrîş dikin lê di serî de jin, gelê Kerboranê jî berxwedana xwe didomînin.

Li navçeya Kerboran a Mêrdînê qedexeya derketina derve ji duh ve ye berdewam dike. Polîsên tîmên taybet ku taxên Bahçebaşî û Tepebaşî dorpêç kirine, bi çekên giran êrîşe taxan dikin. Di saetên sibê de polîsan dest bi gulebarana malan kir û li hemberî vê jî berxwedana gel didome. Bi taybet jin derdikevin kolanan û bi tilîliyan bertek nîşanî êrîşan didin.

Nayê zanîn ku di êrîşan de ti mirî yan jî birîndar heye yan na.

Her wiha, heyeta ku di nav de parlamenterên HDP'ê jî hene di ketina navçeyê de ji aliyê polîsên tîmên taybet ve têne rawestandin û heyet jî sekna xwe didomîne.