Navenda Ragihandin û Çapemeniyê ya HPG’ê diyar kir ku gerîlayan ji bo bîranîna “Hevrê Şoreş Botan” 25’ê Mijdarê saet 14.30 li hember Tabûra Gabar a TRT’ê ya li qada Gabar çalakiyeke sûîqestî pêk anîne, di çalakiyê de leşkerek hatiye kuştin.

HPG’ê wiha dewam kir: “25’ê Mijdarê saet 20.00’an hêzên me yên gerîla rêya di navbera gundê Araban û navçeya Hezexê ya Şirnexê de girrtine. Li vir 2 TIR’ê şîrketa taybet a ji AKP’ê re dixebite hatine şewitandin. Rê heta danê sibehê di kontrola hêzên me de maye.”

ARTÊŞA TIRK HERÊMÊN GERÎLA BOMBERDÛMAN KIR

HPG’ê têkildarî êrîşên hewayî yên artêşa Tirk li hemberî Herêmên Parastinê yên Medyayê ev agahî dan:

25’ê Mijdarê saet 19.00’an balafirên şer ji Herêmên Parastinê yên Medyayê, qada Çemço ya girêdayî herêma Zapê, saet 17.00-21.00’an herêmên Şehîd Newal, Şehîd Kahraman, Girê Şehîd Colemêrg û qûntarê wî û gundê Zêvê bomberdûman kir.

25’ê Mijdarê saet di navbera 19.30 û 26’ê Mijdarê 09.00’an de balafirên şer gundê Bolê yê li herêma Qendîlê bomberdûman kirin. Di encama bomberdûmanê de li malên derdor hilweşînên pir mezin çêbûn.

25’ê Mijdarê saet 19.30-21.00’an balafirên şer mintiqayên Lelîkan û Hermûş ên girêdayî herêma Xakûrkê bomberdûman kirin.

25’ê Mijdarê saet 19.00-20.30’an balafirên şer girê Zendûra yê girêdayî herêma Metîna bomberdûman kirin.”

ÊRÎŞÊN OBUS Û HAWANAN DIDOMIN

HPG’ê destnîşan kir ku êrîşên obus û hawanan didomin û wiha ragihand: “25’ê Mijdarê saet 15.00-20.30’an alaya Topavêj a Gulyazi, qereqola Tepê Çete û artêşa TC a li derdora qada Şehîd Kendal bicihbûyî herêma Deriyê Davetiya dan ber obus û hawanan.

25’ê Mijdarê saet 19.30-20.00’an qereqola Elemûn a li xeta sînorê herêma Metîna; girê Şehîd Dîlber, saet 22.00-23.00’an qereqola Serbesta; girê Kûroşîno da ber hawan û çekên giran.

25’ê Mijdarê saet 07.00-08.00’an qereqola Bîlîcan a li xeta sînorê herêma Zapê; herêma Şehîd Newal da ber obus û hawanan.

26’ê Mijdarê saet 04.00-05.30’an qereqola Oremar a li xeta sînorê herêma Avaşîn; herêmên Şehîd Rahîme û Şehîd Afad da ber obus û hawanan.”

LI HERÊMÊN GERÎLA KEŞF DIDOMIN

HPG’ê da xuyakirin ku li herêmên gerîla keşf jî didomin û wiha detay da: “25’ê Mijdarê saet 07.00-17.00’an li ser herêma Avaşîn, saet 19.00-22.00’an li ser herêma Metîna, saet 13.30-14.30’an û di navbera 19.00 û 26’ê Mijdarê 07.30’an de li ser herêma Garê, 24’ê Mijdarê saet di navbera 15.00 û 15’ê Mijdarê 21.00’an de li ser herêma Zapê pêgerên hewayî yên keşfê geriyan.”