Tevî biryara bêçalakîtiyê ya KCK'ê jî, operasyon û êrîşên artêşa Tirk dewam dikin. Navenda Ragihandin û Çapemeniyê ya HPG'ê da xuyakirin ku operasyona li Geverê û bomberdûmana li herêmên gerîla didomin.

Navendê ragihand ku operasyona artêşa Tirk a li herêmên Oremar û Bînbîr ên navçeya Colemêrg Geverê dewam dike.

BALAFIRÊN ŞER HERÊMA AVAŞÎNÊ BOMBE KIRIN

Navedê diyar kir ku roja 31'ê Cotmehê saet di navbera 10:30-11:30 de balafirên şer ên Tirk, bombe li qadên Şehîd Rahîme û Şehîd Gafûr ên li herêma Avaşînê barandine.

Di daxuyaniyê de ev agahî hat dayîn:

HERÊMA ZAPÊ HAT BOMBEKIRIN

"30'ê Cotmehê saet di navbera 17:00-17:30 de Qereqola Serê Sêvê ya li ser sînorê herêma Zapê ye, bi obus û hawanan qada Şehîdgehê ya Zapê bombe kir.

Roja 30'ê Cotmehê saet di navbera 16:30-17:00 de Qereqola Tepê Sor a ser bi navçeya Colemêg Çelê, obus û hawan avêt Tepê Hakkarî, Tepê Şehîd Êrîş û Tepê Şehîd mazlûm ên li herêma Metîna.

TEVGERA HEWAYÎ YA KEŞFÊ

Ji saet 19:00 ê 30'ê Cotmehê heta saet 05:00 ê 31'ê Cotmehê li ser herêma Garê, 31'ê Cotmehê saet di navbera 00:00-04:00 de jî li ser herêmên Omerya û Bagokê yên Mêrdînê bi pêgerên hewayî yên bê mirov re keşif hatiye kirin."