Cîgirê Serokê Giştî yê AKP’ê û namzetê AKP’ê yê Parlamenteriyê yê rêza yekem ê Wanê Beşîr Atalay, îro li Mizgefta Ûlû nimêj kir. Dema Atalay ket mizgeftê gel bi dengekî bilind nerazîbûn nîşanî Atalay da. Koma ji bo nimêjê hatibû bi gotina, ‘Em diz û haramzadeyan di mizgeftê de naxwazin’ nerazîbûn nîşan da. Dema Atalay bersiv da komê alozî derket. Li gor agahiyên şahidên bûyerê Atalay ê çaketê xwe da parêzvanên xwe çû bi ser komê de û kesên li derdorê Atalay bi zehmet sekinandin.

Alozî piştî Atalay ji mizgeftê veketiya bi dawî bû.