Şehmûs Sevdînoglû piştî 32 salan hate berdan
Şehmûs Sevdînoglû ku sala 1993'an li navçeya Hezex a Şirnexê hate girtin û cezayê girtîgehê yê heta bi hetayê lê hate birîn, piştî 32 salan hate berdan.
Sevdînoglû ku ji Girtîgeha Girtî ya Tîpa T a Êlihê hate berdan, li navçeya Ereban a Hezexê ji aliyê komeke girseyî ve hate pêşwazîkirin.
Berdana Sevdînoglû demeke dirêj bi biryara Desteya Çavdêrî û îdareyê ya Girtîgehê bi kêfî dihate taloqkirin.
Pêşwazîkirin bi pêşengiya Komeleya Piştevanî û Alîkariya bi Malbatên Girtî û Hikumxwaran (TUHAD-DER) ve hate kirin.
Sevdîngolû piştî pêşwazîkirinê çû gel mala malbata xwe.
