Zextên li Heîlbronn û Esslîngenê li Stûttgartê hatin şermezarkirin
Zextên li bajarên Heîlbronn û Esslîngen ên Elmanyayê û girtina siyasetmedarê Kurd Abdullah Ocalan û hunermendê Kurd Mazlûm Dora li Stûttgartê bi çalakiyekê hate şermezarkirin.
Doh serê sibehê li bajarên Heîlbronn û Esslîngen ên Elmanyayê di serdegirtina malan de siyasetmedarê Kurd Abdullah Ocalan û hunermendê Kurd Mazlûm Dora hatin girtin.
Zext û girtin doh li bajarê Stûttgartê bi çalakiyekê hatin şermezarkirin.
Çalakî êvarê saet di 18:00 de li Schossplatzê pêk hat û dirûşma "Azadî ji girtiyên siyasî re" hate qîrîn.
Hevserokê FCK'ê Saît Ozturk li qada çalakiyê axivî û bang li dewleta Elman kir ku dest ji krîmînalîzekirina Kurdan berde.
Ozturk got, "Em van zextan nas nakin û ti carî paşve gavê neavêjin."
