Swêdê ji welatiyên xwe xwest ku neçin herêmên li ser sînorê Sûriye û Iraqê yên Tirkiyeyê. Balkêş e ku ev hişyariya wezaretê piştî wan nûçeyan hate dayin, ku tê gotin PDK û dewleta Tirk wê 15'ê Nîsanê dest bi êrişê bikin.
Di daxuyaniya Wezareta Karên Derve ya Swêdê de têkildarî ger û geşta li qadên bi 10 kîlometreyî nêzî sînorên Sûriye û Iraqê yên Tirkiyeyê hişyarî hate dayin.
Wezaretê her wiha ji bo Hatay, Kîlîs, Şirnex û Colemêrgê hişyarî da ku 'ger û geşteke ne pêwîst nekin."
Wezaretê 'guhertina di rewşa ewlehiyê de' weke hincet nîşan da, lê belê di mijara guhertina navborî de agahiyên berfireh neda.
Balkêş e ev hişyariya wezaretê di demeke welê de hate kirin ku tê gotin, PDK û dewleta Tirk wê bi hevparî di 15'ê Nîsanê de êriş bikin.
