Li bajarê Erfûrtê yê Elmanyayê, Kurdistaniyan salvegera 45'an a damezrandina PKK'ê bi şahiyekê pîroz kirin. Piştî deqeyeke rêzgirtinê ji bo bîranîna şehîdan, hunermend Hozan Yilmaz hunera xwe pêşkêş kir.

Hevserokê Federasyona Kurdistaniyên Azad a li Rojhilatê Elmanyayê (Fed-Kurd) Menderes Canbek li şahiyê axivî, qala girîngî û wateya dîroka PKK'ê kir û bal kişand ser tecrîda li ser Rêberê Gelê Kurd Abdullah Ocalan.

Menderes Canbek girtiyên siyasî yên ji bo azadiya Ocalan di greva birçîbûnê de ne silav kir û ji bo bidawîkirina tecrîdê bang kir.

Di şahiyê de tim û tim dirûşmên "Bijî Serok Apo", "Jin, Jiyan, Azadî" hatin qîrîn û govend hate gerandin. Ji bo zarokan jî beşeke şahiyê hate avakirin û standên ji pirtûk û kovaran hate danîn.

Şahiyê heta derengiya şevê dewam kir.