Şandeya Kongreya Avakirina Dersîmê (DÎK) beriya 16’emîn Mihrîcana Çanda Dersîmê ya Ewropayê bi Şaredarê Frankfurtê re hevdîtin kir. Di hevdîtinê de li ser projeyên pêşerojê û xebatên DÎK’ê nîqaş hatin kirin û şaredar vexwendin mihrîcanê.
Şandeya Kongreya Avakirina Dersîmê (DÎK) beriya 16’emîn Mihrîcana Çanda Dersîmê ya Ewropayê ya ku wê di 5-6’ê Hezîranê de li bajarê Frankfurt ê Elmanya were lidarxistin, serdana Şaredara Frankfurtê Dr. Nargess Eskandari-Grunberg kir.
Hat diyarkirin ku amadekariyên mihrîcana ku ji hêla Federasyona Elewiyên Demokratîk (FEDA), Federasyona Yekîtiyên Demokratîk ên Dersîmê ya Ewropayê (ADEF) û Kongreya Avakirina Dersîmê ve bi hev re hatiye organîzekirin, bi giranî qediyane. Şandeya bi pêşengiya hevserokên DÎK’ê Akîfe Polat û Erol Aydin îro bi Şaredarê Frankfurtê re hevdîtin kir.
Hevdîtina ku li Meclisa Şaredariya Romer a Frankfurtê pêk hat, endamê Meclisa Şaredariyê Mehmet Agatay û nûnerên partiya Bundnis 90/Die Grunen jî beşdar bûn.
Di hevdîtinê de li ser xebatên ku ji hêla Kongreya Avakirina Dêrsimê ve hatine kirin û proje û armancên wê yên pêşerojê hatin nîqaşkirin. Dosyayek berfireh a ku ji hêla şandeyê ve hatibû amadekirin pêşkêşî Dr. Nargess Eskandari-Grunberg hat kirin û derbarê xebatên kongreyê de agahdariyên berfireh hat dayîn.
PEYAMA PIŞTGIRIYÊ YA JI BO XEBATÊ
Dr. Nargess Eskandari-Grunberg kêfxweşiya xwe anî ziman û bal kişand ser girîngiya xebatên ku ji hêla Kongreya Avakirina Dêrsimê ve hatine kirin. Eskandari-Grunberg diyar kir ku xebatên kongreyê bi awayekî erênî nirxandine û anî ziman ku ew amade ye ku piştgiriyê bide xebatên kongreyê.
Hevserokên DÎK’ê Akîfe Polat û Erol Aydin di çarçoveya serdanê de Dr. Nargess Eskandari-Grunberg vexwendin 16’emîn Mihrîcana Çanda Dêrsimê ya Ewropayê.
Nargess Eskandari-Grunberg kêfxweşiya xwe ji bo vexwendinê anî ziman, serkeftin ji mihrîcanê re xwest û diyar kir ku ji bo beşdariyeke mezin çêbibe ew ê têkevin nava liv û tevgerê.
Hevdîtin piştî dayîna peyamên niyeta baş û hevkariyê bi dawî bû.
