Nobeta Azadiyê ya ku ji Hezîrana 2012’an vir ve li bajarê Strasbourg ê Fransayê ku saziyên Ewropayê lê ne û bi daxwaza azadiya fîzîkî ya Rêber Apo tê lidarxistin, di hefteya 694’an de didome.

Nobeda vê hefteyê ji aliyê ciwanên welatparêz Aram Kobanê, Egîd Harûn û Îbrahîm Qamişlo yên ji bajarê Bremen ê Elmanyayê hatin dewr hat girtin.

Aram Kobanê li ser navê komê axivî. Aram Kobanê bi bîr xist ku welatparêzên Kurd nêzîkî 14 salan e ji bo azadiya Rêber Apo nobetê digirin û got, "Divê Rêberê me azad bibe; Heta ku Rêberê me azad bibe lemê li vir bin. Fikrên Rêber Apo ne tenê ji bo Kurdan e; ji bo azadiya hemû gelan e. Fikrên Rêber Apo li Rojava, Başûr, Bakur û Rojhilatê Kurdistanê tên dîtin. Wekî ciwanekî Kurd, ez ê di rêya Rêber Apo de bimeşim. Ger Rêberê min ji min re bêje, 'Rojava xeta min a sor e,' divê ez vî barî hilgirim."

Aram Kobanê bang li hemû ciwanên Kurd û hemû azadîxwazan kir û ev tişt got: "Divê em heqîqetê nas bikin û di rêya rast de bimeşin. Ji bo em raman û felsefeya Rêbertiyê ragihînin divê em vî barî hilgirin. Ji bo ku em heqîqetê bizanibin, divê em xwe bêtir perwerde bikin û nasnameya xwe fam bikin. Ger em xwe nas nekin, ger em paşve vekişînin, em ê di nav vê pergalê de bêtir winda bibin. Sîstema Ewropayê dixwaze me ji Rêberê me, fikr û çanda me dûr bixe. Di nav yên din de ne nasname û ne jî zimanekî me heye. Ger em rêya xwe bimeşînin û li ber xwe bidin, em dikarin welatê xwe azad bikin û di nav wê de bijîn. Tiştê ku Rêber Apo ji bo gelê Rojava kir, kesî nekiriye. Ji ber vê yekê wekî ciwan, divê em di rêya Rêberê xwe de bimeşin û xwedî li Rêberê xwe derkevin.”