Di çalakiya ku li ber Konsolosxaneya Yewnanistanê hate lidarxistin de nûnerên saziyên şoreşger û rêxistinên girseyî yên demokratîk amade bûn. Di daxuyaniyê de hate gotin ku Bariş ne sûcdar e, ew parçeyek ji têkoşîna azadiyê ye û hate bibîrxistin ku Erhan ji ber zordestiyên li Tirkiyeyê reviyaye Ewropayê.

Di daxuyaniyê de wiha hate gotin: “Lê belê dema ku ew derbasî Yewnanistanê bû hate binçavkirin û zêdetirî salekê ye di girtîgehên ku şert û mercên wan ne mirovî ne de tê ragirtin. Di pêvajoya dadgehê de nasnameya siyasî ya Bariş û zordestiyên ku rastî wan hatiye hatine paşguhkirin delîlên eşkere yên ku ew ne qaçaxçiyê koçberan e nehatine berçavkirin. Li şûna dadmendiyê, nêzîkatiyeke cezadayîna siyasî hatiye xebitandin û di encamê de 74 sal cezayê girtîgehê lê hatiye birîn.”

Tora Hevgirtinê destnîşan kir ku cezayê hatî dayîn ne tenê li dijî Erhan lê êrîşeke li dijî mafên hemû koçberan û muxalîfan e û banga “Azadî ji bo Bariş, dadmendî ji bo koçberan” kir. 

Di dawiya çalakiyê de dosya ku hate amadekirin radestî rayedarên Konsolosxaneya Yewnanistanê hate kirin.