Çalakiya "Nobeda Azadiyê" ya ku di 25'ê Hezîrana 2012'an de li bajarê Strasboûrg ê Fransayê bi armanca azadiya fîzîkî ya Rêberê Gelê Kurd Abdullah Ocalan û rakirina tecrîdê bi pêşengiya Înîsiyatîfa Ji Abdullah Ocalan re Azadî hatibû destpêkirin, di hefteya 603’an de didome.

Vê hefteyê jî sê welatparêzên ji bajarê Marsîlya ê Fransayê, çalakiya nobetê ya her hefte li nuqteya hevpar a ku saziyên Ewropayê lê dicivin, bdewr girtin.

Di komê de Nîhat Îldan, Diyadîn Gulen û Taner Karakaya cih digirin.

Li ser navê komê Nîhat Îldan axivî û diyar kir ku divê Konseya Ewropa û Parlamentoya Ewropayê li hember Abdullah Ocalan ê ku 3 sal in tu agahî nayê girtin, berpirsyariya xwe bi cih bînin û divê CPT careke din biçe Girava Îmraliyê. Îldan got ku divê CPT encamên hevdîtinên xwe bi raya giştî û bi taybet gelê Kurd re parve bike.

Îldan got, "Em grevên birçîbûnê yên ji aliyê girtiyên li zindanan ve hatine destpêkirin û çalakiya nobetê ya Dayikên Aştiyê yên ji bo şikandina tecrîdê û misogerkirina azadiya Rêberê Gelê Kurd Abdullah Ocalan silav dikin."

Îldan ji Kurdistaniyên li Ewropayê dijîn xwest ku bikevin nava liv û tevgerê, beşdarî hemû çalakiyên ji bo azadiya Rêberê Gelê Kurd Abdullah Ocalan bibin û berpirsyariyên xwe bi cih bînin.